Yangi o‘quv yilida 3360 nafar yosh universitet talabalari safiga qo‘shilib, o‘z hayotining yangi va muhim bosqichini boshlamoqda.

Tantanali tadbirda Jizzax viloyati hokimining o‘rinbosari Dilmurod Xudoyshukurov ishtirok etib, viloyat hokimi Ulug‘bek Mavlonovich Mustafoyevning talaba-yoshlarga yo‘llagan tabrigini o‘qib eshittirdi.

Tadbir davomida ilm-fan va sport sohalarida yuqori natijalarga erishgan talabalar munosib taqdirlandi.

Ayniqsa, 189 ball bilan davlat granti asosida universitetga qabul qilingan Filologiya fakulteti, Xorijiy til va adabiyoti: ingliz tili yo‘nalishi 1-bosqich talabasi Mamirova Yulduz Shuhrat qizining muvaffaqiyati alohida e’tirof etildi.

Yulduz Mamirova so‘zga chiqib, xalqaro maydonga dadil yuz tutayotgan JDPUni tanlaganidan mamnun ekanini, universitetda o‘z orzu va maqsadlarini ro‘yobga chiqarish uchun keng imkoniyatlar mavjudligini ta’kidladi.

Shuningdek, universitet rektori Maksudjon Abdullayevich Yuldashev yangi talabalar, ularning ota-onalari va tadbir mehmonlarini qutlab, yoshlarga talaba sifatidagi yangi mas’uliyat va imkoniyatlardan unumli foydalanish tilagini bildirdi.

Tantana universitetning iste’dodli va ijodkor talaba-yoshlari hamda musiqa ta’limi yo‘nalishi o‘qituvchilari ishtirokidagi konsert dasturi bilan davom etdi.