Jizzax shahrida yoshlar bandligini ta’minlash, ish o‘rinlariga yo‘naltirish va tadbirkorlikni qo‘llab-quvvatlashga qaratilgan “TalabaExpo – 2026” kasb ko‘rgazmasi o‘z faoliyatini boshladi.

Tadbir Oliy ta’lim, fan va innovatsiyalar vazirligi, “O‘zmilliybank” AJ, Savdo-sanoat palatasi, Jizzax viloyati hokimligi va Yoshlar ishlari agentligi hamkorligida tashkil etildi.

Ko‘rgazmada bitiruvchi yoshlar “Kelajakka qadam” yarmarkasi orqali ish o‘rinlari, amaliyot dasturlari, startap va tadbirkorlik imkoniyatlari bilan tanishmoqda.

Ochilish marosimida so‘zga chiqqanlar mamlakatimizda yoshlarga yaratilayotgan imkoniyatlar, bandlikni ta’minlash va mehnat bozoriga integratsiya qilish borasidagi islohotlar haqida alohida to‘xtalib o‘tishdi.

“TalabaExpo – 2026” Jizzax davlat pedagogika universiteti hududida o‘tkazilmoqda.