Unda Jizzax viloyati hokimi birinchi o‘rinbosari Zafar Azimov, Markaziy bankning Jizzax viloyati boshqarmasi rahbari Salohiddin Botirov, “O‘zmilliybank AJ” viloyatbanki rahbari Nurulla Islamov hamda universitet rektori Yuldashev Maksudjan Abdullayevich ishtirok etdi.
Maktabgacha va boshlang‘ich ta’lim fakulteti bitiruvchilari qatnashgan tadbirda Prezidentning yoshlar bilan uchrashuvida belgilangan vazifalar va yoshlarga yaratilayotgan imkoniyatlar haqida so‘z yuritildi. Mutasaddilar bitiruvchilarni imtiyoz va dasturlardan unumli foydalanishga, tadbirkorlikni boshlashga chaqirdi.
Tadbir davomida savol-javoblar bo‘lib o‘tdi. Talabalar tarqatilgan qo‘llanmalar asosida “Kelajakka qadam” dasturi imkoniyatlari, namunaviy biznes loyihalar va taqdim etilgan ma’lumotlar yuzasidan o‘z savollarini berdi.
Uchrashuv yakunida bunday amaliy muloqotlar barcha fakultet bitiruvchilari bilan davom ettirilishi ma’lum qilindi. Shuningdek, universitet binosida tashkil etilgan bank maslahat xonasi doimiy ravishda faoliyat yuritib, talabalarga biznes loyiha tuzish, moliyaviy rejalashtirish va tadbirkorlik ko‘nikmalarini shakllantirish bo‘yicha amaliy yordam ko‘rsatishi ta’kidlandi.
