Talabalar o‘rtasida kitobxonlik madaniyatini yuksaltirish, intellektual salohiyatni oshirish hamda bilimdon yoshlarni qo‘llab-quvvatlash maqsadida tashkil etilgan “Kitobxon talaba” tanlovining ikkinchi bosqichi yuqori saviyada bo‘lib o‘tdi.

Mazkur bosqich “Zakovat”, “Brain Ring” hamda “Shaxsiy o‘yin” yo‘nalishlari bo‘yicha o‘tkazilib, har bir shart 20 tadan iborat savollar asosida tashkil etildi. Qizg‘in va murosasiz bahs-munozaralar, tezkor fikrlash va chuqur bilimni talab etgan ushbu bellashuvlarda jamoalar o‘zlarining intellektual salohiyatini namoyon etishdi.

Tanlov yakunlariga ko‘ra:

• 🥇 1-o‘rin — Tarix fakulteti jamoasiga,

• 🥈 2-o‘rin — Tabiiy fanlar fakulteti jamoasiga,

• 🥉 3-o‘rin — Fizika va texnologik ta’lim fakulteti jamoasiga nasib etdi.

G‘olib va faol ishtirokchilar tashkilotchilar tomonidan munosib taqdirlandi. Bunday ma’rifiy tadbirlar talabalarning kitobga bo‘lgan qiziqishini yanada oshirish, ularning intellektual salohiyatini rivojlantirishga xizmat qiladi.