Ислом дини инсонларни илм олишга, маърифатли бўлишга тарғиб қилувчи диндир. Ҳакимлар: “Илм ўрганинг, зеро у фақирликда давлат, бойликда зийнатдир” – деганлар.

Айрим кишилар илм деганда фақат диний илмларни назарда тутиб, мусулмончиликда дунёвий фанларнинг ўрни йўқ деган нотўғри эътиқодда бўладилар. Аслида эса, диний илмлар ҳам, дунёвий илмлар ҳам Аллоҳнинг илми бўлиб, уларни бир-биридан ажратиш мумкин эмас. Жиззах давлат педагогика институтида бўлиб ўтган навбатдаги учрашувда маърузачилар айнан шу мавзуда сўз юритишди.»Илмдан ўзга нажот йўқ ва бўлмагай» мавзусидаги навбатдаги учрашув Ҳадис илми мактаби ректори Юсупов Олимжон Исҳоқович билан бўлиб ўтди.

“Илм Чин-Мочин (Хитой)да бўлса ҳам, уни излаб топиб, эгаллангиз. Зеро, илмни талаб қилиш ҳар бир мусулмонга фарздир” – деганлар. Бундан ҳам диний, ҳам дунёвий илмларни талаб қилиш фарзлиги маълум бўлади. Илм олиш одоби, илмнинг фазилатлари мавзусига бағишланган семинар тренингда шунингдек Оммавий диний саводсизлик шароитида уч-тўрт калима нарсани ўрганиб олган жоҳил кимсалар ва уларга кўр кўрона эргашиб кетаётган ёшлар ҳақида ҳам сўз борди. Учрашув давомида Диний саводи йўқ ўзини аллома қилиб кўрсатишга уринган айрим кимсаларга алданмаслик, талбанинг илм олиш одоби мавзуларда зарур маълумотлар ва кўрсатмалар ҳам берилди.