Boshlang‘ich ta’lim fakulteti tomonidan tashkillashtirilgan tadbir ana shunday nomlandi.

Jizzax davlat pedagogika instituti Boshlang‘ich ta’lim fakulteti yaxshi tashabbus bilan chiqishdi. “17 noyabr – Xalqaro  talabalar kuni” munosabati bilan “Yangi O‘zbekiston talabalari birlashaylik!” shiori ostida o‘tkazilgan madaniy-ma’rifiy tadbirda bu gal talaba yoshlar emas balki ustozlar badiiy chiqishlar bilan ishtirok etishdi. Institut madaniyat saroyida bo‘lib o‘tgan tadbirni  Xotin-qizlar kengashi raisi Ziyoda Abdualieva ochib berdi.

“Talabalik oltin davrim” mavzusida videorolik taqdimoti bilan bilan boshlangan bayram dasturi ustozlar tomonidan tayyorangan sahna chiqishlari, kuy va qo‘shiqlar bilan davom etdi. Tadbir so‘ngida fakultetning eng faol talabalari va ularing ota-oanlariga  faxriy yorliqlar, esdalik sovg‘alari topshirildi.