Universitet rektori tashabbusi bilan tashkil etilgan kitobxon talaba tanlovining ikkinchi bosqichi bo‘lib o‘tdi. Birinchi bosqich — test sinovi bo‘lib, unda talabalar o‘qigan kitoblari bo‘yicha bilimlarini sinovdan o‘tkazishdi. Ushbu bosqichda g‘olib bo‘lgan jamoalar ikkinchi bosqich — Zakovat intellektual bellashuvida ishtirok etish imkoniyatini qo‘lga kiritishdi.

Ikkinchi bosqichda talabalarga “Alkimyogar” va “Kafansiz Ko‘milganlar Asrlari” mavzulari bo‘yicha qiziqarli va bilimga boy savollar taqdim etildi. Jami 8 ta jamoa o‘zaro tezkor fikrlash va strategik bilim borasida bellashdi.

Turnir yakunida g‘oliblar quyidagicha aniqlanishdi:

• 1-o‘rin: Universe jamoasi

• 2-o‘rin: Everest jamoasi

• 3-o‘rin: Renesans jamoasi

Talabalar nafaqat bilimlarini sinab ko‘rish, balki yangi bilimlar olish imkoniyatiga ham ega bo‘ldi. Universitet rahbariyati bunday intellektual musobaqalarni muntazam o‘tkazishni rejalashtirmoqda.