Bugun, 5-sentabrdan Jizzax davlat pedagogika universitetida yangi 2022/2023 o‘quv yili boshlandi.
Shu munosabat bilan barcha oliy ta’lim muassasalari kabi Jizzax davlat pedagogika universitetida ham 2022/2023 o‘quv yili boshlanishi oldidan «Yangi O‘zbekistonda, el aziz, inson aziz » shiori ostida tantanali ochilish marosimi bo‘lib o‘tdi.
Tadbirda oliygoh professor-o‘qituvchilari va talabalik safiga qabul qilingan yoshlar ishtirok etishdi.
Tadbirni universitet rektori Sh.Sharipov ochib berdi. U o‘z tabrigida talabalarni va butun jamoani Mustaqillik bayrami bilan muborakbod etib, talabalikka tavsiya qilingan talabalarni esa yangi o‘quv yili bilan tabrikladi, shuningdek ularning kelajakda o‘zlariga maqsad qilib qo‘ygan marralarga yetishishlari uchun omadlar tilab, yurtimizda ta’lim sohasida keng ko‘lamli islohotlar tufayli oliy ta’lim tizimida ham muhim o‘zgarishlar bo‘layotganini alohida e’tirof etdi.
Shundan so‘ng tadbirda ishtirok etgan faxriy o‘qituvchilar, so‘zga chiqib, mustaqillik buyuk ne’mat ekanligini, farzandlarimizni zamonaviy bilim va kasb-hunarlarni egallashi, jismonan va ma’nan yetuk insonlar bo‘lib ulg‘ayishi uchun yurtimizda barcha shart-sharoitlar mavjudligini ta’kidlab, universitet talabaligi baxtiga muyassar bo‘lgan yoshlarlarga yurtimizga munosib farzand bo‘lib, oliygohni a’loga bitirib magistr unvonlariga sazovor bo‘lishlari uchun tilaklar bildirishdi.
Boshlanayotgan yangi o‘quv yilida barcha professor-o‘qituvchilarga mehr bilan talabalarga dars berishlariga, talabalar esa bor kuch-g‘ayratlari bilan ta’lim olishlariga tilakdoshmiz.
Fursatdan foydalanib, birinchi bosqichga qabul qilingan, Jizzax davlat peadgogika universitetida tahsil olish baxtiga sazovor bo‘lgan barcha yoshlarimizni tabriklaymiz!
