Ayollar va yoshlar masalasi bosh masala

Ayollar va yoshlar masalasi bosh masala Xabarinrgiz bor O‘zbekiston Respublikasi Prezidenti Shavkat Mirziyoev raisligida  26 fevral kuni xotin-qizlarning muammolarini hal qilish va ularni ijtimoiy qo‘llab-quvvatlash masalalari muhokamasi yuzasidan videoselektor yig‘ilishi o‘tkazilgan edi. Unda oliy ta’lim muassasalarida o‘qiydigan boquvchisi yo‘q ayollar va muhtoj qizlarga yengillik yaratish masalasida ham so‘z bordi. Oliy ma’lumotli bo‘lishni istagan, qobiliyati, bilimi bor, lekin taqdir taqozosi bilan orzusiga erisha olmagan xotin-qizlarni rag‘batlantirish tizimi joriy qilinayapti.  Ota-onasining biridan ayrilgan muhtoj qizlar, boquvchisi yo‘q yolg‘iz ayollarning shartnoma to‘lovi hokimlik va oliy o‘quv yurti hisobidan qoplab beriladi. Jizzax davlat pedagogika instituti  Yoshlar masalalari ma’naviyat va ma’rifat bo‘limi, institut xotin-qizlar kengashi tomonidan o‘tkazilgan tadbirda ana shular haqida so‘z bordi. Bu tadbirda fakultet xotin qizlar masalalari bo‘yicha kengash raislari, faol xotin qizlar ishtirok etishdi.  Yoshlar masalalari ma’naviy ma’rifiy ishlar bo‘yicha 1 chi prorektor  S.Nazarqosimov ishtirokida bo‘lib o‘tgan ochiq muloqot samimiy ruhda o‘tkazildi.