O‘zbekistonda faoliyat yuritayotgan xorijiy oliy ta’lim tashkilotlari va ularning filiallari hamda nodavlat oliy ta’lim tashkilotlariga davlat granti asosida ajratilgan o‘rinlarning oliy ta’lim tashkilotlari kesimidagi taqsimoti tasdiqlandi.

O‘tgan yili kvota 500 ta edi, joriy yilda 2 baravar ko‘paytirildi hamda 31 ta xorijiy va nodavlat OTMlarga bo‘lib chiqildi.

-xorijiy va nodavlat OTMlarga kirish imtihonlarida eng yuqori ball to‘plagan va o‘qishni tamomlagandan so‘ng kadrlar buyurtmachisi tizimida 5 yildan kam bo‘lmagan muddat davomida ishlab berish istagini bildirgan abiturientlar bilan uch tomonlama (kadrlar buyurtmachisi–talaba–oliy ta’lim tashkiloti) shartnoma tuziladi;

-eng yuqori ball to‘plagan abiturientlar shartnoma imzolash istagini bildirmagan taqdirda, shartnoma tuzish huquqi kirish imtihonlarida to‘plagan ballar ketma-ketligiga mos ravishda keyingi o‘rindagi abiturientga beriladi