Jizzax davlat pedagogika instituti Ma’naviyat-targ‘ibot markazi majlislar zalida 2017 yil 15 mart kuni institut Axborot resurs markazi hamda Jismoniy madaniyat fakulteti va Musiqiy ta’lim yo‘nalishi hamkorligida Navro‘z umumxalq bayrami munosabati bilan “Talabalarning kitobxonlik haftaligi” doirasida “Assalom, Navro‘z” nomli tadbir o‘tkazildi.
Tadbirda institut ma’naviy-ma’rifiy ishlar prorektori F.Axmedov, ma’naviy-ma’rifiy ishlar bo‘lim boshlig‘i F.Qo‘shnazarov, Axborot resurs markazi direktori R.Ishnazarova, Musiqiy ta’lim yo‘nalishi katta o‘qituvchisi A.Maxammatov, Jismoniy madaniyat fakulteti dekan o‘rinbosari A.Bo‘riboev, professor-o‘qituvchilar hamda talabalar ishtirok etdilar. Tadbirni ma’naviy-ma’rifiy ishlar prorektori F.Axmedov kirish so‘zi bilan ochib berdi. Tadbir davomida Axborot resurs markazi direktori R.Ishnazarova, Musiqiy ta’lim yo‘nalishi katta o‘qituvchisi A.Maxammatov, Jismoniy madaniyat fakulteti dekan o‘rinbosari A.Bo‘riboevlar tabrik so‘zi bilan barchani qutladilar. Tadbirda “Navro‘z nashidasi”, “Navro‘zning kelib chiqish tarixi va xalq an’analari haqida”, mavzuga doir adabiyotlar ko‘rgazmasi sharhi, Navro‘z-shoirlarimiz nazmida kabi talabalar o‘rtasida mushoiralar bahslari bo‘lib o‘tdi. Shuningdek talabalar tomonidan Navro‘zni tarannum etuvchi kuy-qo‘shiqlar ijro etildi. Tadbirni ma’naviy-ma’rifiy ishlar prorektori F.Axmedov yakunladi.
