Jizzax davlat pedagogika universitetida “Talabalar bahori” musiqiy festivali doirasida tanlovning 1-bosqich saralash jarayonlari tashkil etildi. Tanlov milliy cholg‘u ijrochiligi, an’anaviy xonandalik, estrada ijrochiligi hamda raqs yo‘nalishlari bo‘yicha o‘tkazildi.

Saralash bosqichida jami 100 nafardan ortiq talabalar ishtirok etib, chiqishlar sohaga oid mutaxassislar va professor-o‘qituvchilar tomonidan baholandi.

Yakuniy natijalarga ko‘ra, raqs yo‘nalishida 7 nafar, cholg‘u ijrochiligida 7 nafar, an’anaviy ijrochilikda 5 nafar hamda estrada yo‘nalishida 15 nafar talabalar festivalning final bosqichiga yo‘llanmani qo‘lga kiritdi.

Festival universitet rektorining tashabbusi hamda tasdiqlangan nizom asosida tashkil etilmoqda.