Jizzax davlat pedagogika universitetida har shanba kuni ijtimoiy faollik kuni sifatida o‘tkazilmoqda. Bugun professor-o‘qituvchilar, talaba-yoshlar va universitet jamoasi yurish, vorkaut maydonlarida mashq qilish, shuningdek, futbol, basketbol, voleybol va stol tennisi bilan shug‘ullanmoqda.

Ayniqsa, universitet hayotiga moslashuv jarayonida bo‘lgan 1-bosqich talabalarining faol ishtiroki e’tiborga loyiq.

Ular sport mashg‘ulotlari, turli musobaqalar va jamoaviy o‘yinlar orqali bir-birlari bilan yaqindan tanishib, yangi muhitga moslashmoqda.

Shanba — universitetda nafaqat sog‘lom turmush tarzini targ‘ib qilish, balki jamoaviylik, do‘stlik va ijtimoiy faollikni kuchaytirish kuniga aylanmoqda.