Jizzax davlat pedagogikauniversiteti Pedagogika-psixologiya va inklyuziv ta’lim fakultetida har bir kurs vakillaridan iborat “kurs qo‘mitalari” faoliyatiga bag‘ishlangan yig‘ilish tashkil etildi.
Yig‘ilish davomida talabalarning darslarga o‘z vaqtida kelishi, universitet ichki odob-axloq qoidalariga rioya etishi, ma’naviy-ma’rifiy tadbirlarda faol ishtirok etishi hamda ta’lim muhitida sog‘lom ma’naviy-axloqiy muhitni shakllantirish masalalari muhokama qilindi.
Shuningdek, yoshlar o‘rtasida salbiy illatlarning oldini olish, tamaki mahsulotlari va spirtli ichimliklardan voz kechish, universitet hududida tozalikni saqlash hamda belgilangan tartib-qoidalarga rioya qilish zarurligi ta’kidlandi. Muloqot davomida yosh avlodda sog‘lom fikrlash, yaxshi axloq, ilmga intilish, keng dunyoqarash, halollik, intizom, vatanparvarlik va sadoqat kabi fazilatlarni shakllantirish masalalariga ham alohida e’tibor qaratildi. Yig‘ilish yakunida fakultetda volontyor ko‘ngilli talabalarni shakllantirish hamda talabalar bilan ma’naviy-ma’rifiy va tarbiyaviy yo‘nalishdagi ishlarni tizimli davom ettirish bo‘yicha tegishli qarorlar qabul qilindi.
