Joriy yilgi testda abiturientlarga savollarni ishlashga yordam tariqasida matematika formulalar ham tarqatiladi

Joriy yilda ilk marta abiturientlarga savollar kitobi bilan birga eng asosiy matematik formulalar ham tarqatiladi. Ya’ni endi bu kabi formulalarni shpargalka qilib yoki yashirincha olib kirish shart bo‘lmaydi. Abiturientlar tarqatilgan formulalardan bemalol foydalanib, test savollariga javob topishlari mumkin bo‘ladi. Formulalar matematika fani mutaxassislik blokiga kiritilgan barcha yo‘nalishlar uchun beriladi. Birinchi yoki ikkinchi fan ekanligining farqi yo‘q. Mutaxassislik blokida matematika fani yo‘q bo‘lgan yo‘nalishlarda majburiy blokdagi matematika uchun formulalar berilmaydi. Chunki majburiy blokdagi matematika faniga formula shartmas, savollar shundoq ham elementar darajada oson bo‘ladi.   Ma’lumot uchun: avvalgi yillarda kimyo fanidan topshirayotganlarga Mendeleev davriy jadvali, fizikadan topshirayotganlarga esa fizik kattaliklar ro‘yxatini tarqatish yo‘lga qo‘yilgandi