JDPU Xorijiy tillar fakulteti Ingliz tili nazariyasi va amaliyoti kafedrasi tomonidan “Xorijiy filologiya, adabiyotshunoslik va tarjimashunoslik masalalari” mavzusida xalqaro ilmiy-amaliy konferensiya bo‘lib o‘tdi. Konferensiyada Buyuk Britaniya, AQSh, Turkiya, Ozarbayjon davlatlarining yetuk olimlari va O‘zbekistondagi ko‘plab universitetlar professor-o‘qituvchilari, tadqiqotchilar, magistrantlar o‘z maqolalari bilan ishtirok etishdi.

Konferensiya Yalpi majlisida xorijiy mutaxassislardan tashqari JDPU, SamDChTI, Sharqshunoslik universiteti, Nizomiy nomidagi TDPU, O‘zbekiston Milliy universitetining yetakchi olimlari zamonaviy tilshunoslikning dolzarb masalalari va rivojlanish tamoyillari, zamonaviy nasr va she’riy tarjima muammolari, madaniyatlararo muloqot va badiiy tarjimaning lingvomadaniy aspektlari, xorijiy tillarni o‘rganish metodikasi va ta’lim tarbiya nazariyasi, ta’lim jarayoniga pedagogik hamda innovatsion texnologiyalarni joriy etish mavzularida ma’ruzalar bilan ishtirok etishdi.