Erkin muloqot tarzida bo‘lib o‘tgan suhbatda bu yil universitetni bitirgan iqtidorli magistrlar qatnashdi. Universitet rektori iqtidorli magistrlar bilan birma-bir suhbatlashib, ularning kelajakdagi rejalari bilan qiziqdi. U o‘z so‘zida mana shunday iqtidorli yoshlar uchun oliygoh eshigi doimo ochiq ekanligini ta’kidladi.

“Aynan  siz  kabi iqtidorli, yosh, bilimli va g‘ayratli kadrlar  bilan ishlash men uchun zavq bag‘ishlaydi. Hayotingizni yangi sahifalarini ochish arafasidasiz, endi siz professional karerangizni boshlaysiz. O‘zingizga ishoning. Intiluvchan va mas’uliyatli bo‘ling. Maqsadlaringizga erishing”, — deya ta’kidladi universitet rektori Shavkat Sharipov.