JDPU hamkorlik eshiklarini keng ochmoqda: Bolgariyalik mehmon bilan uchrashuv bo‘lib o‘tdi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
JDPU hamkorlik eshiklarini keng ochmoqda: Bolgariyalik mehmon bilan uchrashuv bo‘lib o‘tdi.

Yangiliklar

20/10/2025

Chop etish

JDPU hamkorlik eshiklarini keng ochmoqda: Bolgariyalik mehmon bilan uchrashuv bo‘lib o‘tdi.

Jizzax davlat pedagogika universiteti rektori Maqsudjon Yuldashev hamda Bolgariya Respublikasidan tashrif buyurgan “Revolution Boxing Promotion” kompaniyasi menejeri Ventzislav Georgiyev (Ventzislav Gueorguiev) o‘rtasida rasmiy uchrashuv bo‘lib o‘tdi.

Uchrashuv davomida tomonlar sport sohasida, xususan, boks yo‘nalishida hamkorlikni mustahkamlash, iqtidorli yosh sportchilarni qo‘llab-quvvatlash va xalqaro sport tadbirlarini birgalikda tashkil etish masalalarini muhokama qildilar.

Mehmon Ventzislav Georgiyev universitetda tahsil olayotgan yosh bokschilar bilan uchrashganini va ularning salohiyati yuqori ekanligini ta’kidladi. Shuningdek, u JDPUdagi boks maktabida faoliyat yuritayotgan murabbiylar, xususan, Bobousmon Boturov kabi tajribali sport ustozlari bilan hamkorlik qilish istiqbollarini yuqori baholadi.

“Sizning universitetingizda olimpiya va jahon chempionlari borligi men uchun katta taassurot bo‘ldi. Ular o‘z ishiga sidqidildan yondashadi. Yanvar oyida tajriba almashish maqsadida yana tashrif buyuraman”, — dedi Ventzislav Georgiyev.

O‘z navbatida universitet rektori Maqsudjon Yuldashev mehmonni qutlar ekan, hamkorlik uchun eshiklar har doim ochiq ekanini ta’kidladi:

“Biz xalqaro sport tashkilotlari bilan yaqin hamkorlikni yo‘lga qo‘yishdan manfaatdormiz. Bu nafaqat talabalarimizning tajribasini oshiradi, balki ularning jahon arenalariga chiqishiga ham keng imkoniyat yaratadi”, — dedi rektor.

Uchrashuv yakunida tomonlar kelgusida qo‘shma sport tadbirlari, seminarlar va mahorat darslarini tashkil etish, JDPU talabalari va murabbiylarini xalqaro sport tadbirlariga jalb etish bo‘yicha kelishib oldilar.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.