Jizzax davlat pedagogika universitetida talabalarining xorijiy tillarni o‘rganishga bo‘lgan qiziqishini oshirish hamda ingliz tilida erkin muloqot ko‘nikmalarini rivojlantirish maqsadida universitet rektori tashabbusi bilan “Speaking Club” to‘garagi tashkil etildi.

To‘garak doirasidagi ilk uchrashuv mehmon spikeri sifatida Jizzax shahridagi Prezident maktabi direktori Azizbek G‘aybullayev ishtirok etib, “STEAM in Education” mavzusida nutq so‘zladi.

Uchrashuv davomida talabalarga zamonaviy ta’limda STEAM yondashuvining ahamiyati hamda Prezident maktablarida qo‘llanilayotgan innovatsion ta’lim tajribalari haqida ma’lumot berildi. Tadbir interaktiv ruhda o‘tib, talabalar spiker bilan xorijiy tilda muloqot qilib, o‘zlarini qiziqtirgan savollarga javob oldilar.