Unda barcha fakultetlar professor-o‘qituvchilari hamda faol talaba-yoshlar ishtirok etib, universitet hududlari, yo‘laklar va yashil maydonlarni tartibga keltirishga o‘z hissalarini qo‘shdilar. Shuningdek, fakultetlar kesimida auditoriyalar, o‘quv xonalari hamda ichki hududlarda ham tozalash ishlari olib borilib, ta’lim maskanida ozodalik va tartibni ta’minlashga alohida e’tibor qaratildi.
Hashar davomida universitet hududidagi 5000 ta daraxtga shakl berildi, 8000 ta daraxt hamda 1500 metr bordyurlar oqlandi. Bundan tashqari, 2000 metr ariqlar tozalandi. Hududdan 12 kub metr chiqindi olib chiqildi.
