Jizzax davlat pedagogika instituti Musiqa madaniyati fakulteti, Vokal va cholg‘u ijrochiligi kafedarsi, cholg‘u ijrochiligi yo‘nalishi talabalari tomonidan tashkillashtirilgan “Estrada Shou” hisobot konsert dasturi haqiqiy san’at shinavandalari uchun tashkil etildi desak xato qilmagan bo‘lamiz
Institutning madaniyat saroyida bo‘lib o‘tgan musiqiy kechada talablalar, professor-o‘qituvchilar, musiqa fani o‘qituvchilari hamda milliy kuy-qo‘shiqlarimiz ixlosmandlari ishtirok etdi.
— Institutimizda shu oy mobaynida uch marta mana shunday hisobot konsertlarini jamoatchilik e’tiboriga havola etdik.-deydi badiiy rahbar Otamurod Xolmirzaev. Bugungi hisobot konserti aynan milliy musiqa san’ati, estrada ijrochiligi borasida institutitimizda o‘ziga xos tajriba va mahorat maktabi shakllanayotganidan darak beradi.
Hisobot konsertida talabalar tomonidan 20 ga yaqin milliy va estrada yo‘nalishidagi go‘zal qo‘shiqlar bilan birgalikda 70-80 yillarda xit darajasiga chiqqan, yurtdoshlarimiz tomonidan sevib tinglangan retro taronalar ham ijro etildi.
