Jizzax davlat pedagogika institutida bo‘lib o‘tgan seminar-trening ana shunday nomlandi.

Jamiyat taraqqiyotida jamoatchilik bilan aloqalar – xalq bilan muloqot g‘oyat muhim o‘rin tutadi. Idora, tashkilot va muassasalarning xalq bilan muloqotini uzviy yo‘lga qo‘yishida Axborot xizmatlari qanday vazifalarni bajarishi zarur? Matbuot xizmatlari faoliyatini takomillashtirish uchun nimalarga e’tibor qaratish lozim, tashkilot rahbari hamda matbuot kotibi o‘rtasidagi munosabatlar qanday bo‘lishi kerak?  Mana shu kabi muhim savollarga  Uch tepa tumani hokimligi axborot xizmati rahbari To‘rabek To‘raev o‘z ish tajribasidan kelib chiqib, fikr-mulohazalari  bilan o‘rtoqlashdi, ishtirokchilarga kerakli tavsiyalarni berdi. Jizzax viloyatidagi tashkilot. Idora va muassasalar  matbuot xizmatlari uchun master klass sifatida o‘tilgan ushbu seminar–treningda ijodkor Jizzax davlat pedagogika instituti talabalari, “Yosh jurnalistlar” maktabining tinglovchilari ham ishtirok etishdi.

Seminar-trening davomida «PR matnlar: o‘quvchini qanday jalb qilish mumkin» kitobining taqdimot marosimi ham o‘tkazildi. Tadbir so‘ngida faol ishtirokchilarga rus tilidan T.To‘raev tomonidan o‘zbek tiliga tarjima qilingan «PR matnlar: o‘quvchini qanday jalb qilish mumkin» (asar muallifi T.Aslanov) kitobi taqdim etildi.