Jizzax davlat pedagogika universitetida AQSH elchixonasi vakili Regina Yulaeva hamda Fulbright ETA dasturi doirasida universitetga jalb etilgan ingliz tili o‘qituvchisi yordamchisi McClay Joseph Sommers bilan uchrashuv o‘tkazildi.
Universitet mas’ullari ishtirok etgan uchrashuvda talabalarning ingliz tilida erkin so‘zlashish ko‘nikmalarini rivojlantirish, birgalikda darslar, suhbat mashg‘ulotlari va madaniy tadbirlar tashkil etish masalalari muhokama qilindi.
Shuningdek, McClay Joseph Sommersning universitetdagi faoliyatini tashkil etish, unga qulay ishlash va yashash sharoitlarini yaratish hamda AQSH elchixonasi bilan ta’lim va ilm-fan sohasidagi hamkorlikni kengaytirish masalalari ko‘rib chiqildi.
