Oliy ta’lim muassasalari talabalari o‘rtasida o‘tkaziladigan Universiada musobaqalarining gandbol sport turi final bosqichi Jizzax shahrida bo‘lib o‘tdi. Jizzax viloyati mezbonlik qilgan gandbol sport o‘yinlari har doimgidan murosasiz bo‘lib o‘tdi. Xududiy saralash bosqichida g‘olib bo‘lgan jamoalar Toshkent viloyati, Xorazm viloyati, Samarqand viloyati hamda Farg‘ona viloyatining shijoatli yigitlari musobaqani ko‘tarinki ruhda o‘tkazishdi. Murosasiz kechgan bahslarda jamoalar o‘zining serg‘ayratliligi, professional sportchilar singari tutishi eng asosiysi o‘zaro samimiy munosabatda bo‘lishi musobaqani ko‘tarinki ruhda o‘tishini ta’minladi.
Musobaqa ishtirokchilari uchun davlat rahbari Sh.Mirziyoevning “5 ta muhim tashabbusi” doirasida tashkil etilgan tadbirlar mazmununli o‘tdi desak mubolag‘a qilmagan bo‘lamiz. Turli viloyatlardan kelgan yosh talaba sportchilar Jizzax viloyatining Hamid Olimjon va Zulfiya bog‘i, Sharof Rashidov muzeyi kabi ko‘zga ko‘ringan go‘shalariga tashrif etish bilan bir qatorda, Yu.Rajabiy nomidagi viloyat musiqali drama teatrida tashkil etilgan badiiy dasturda ham ishtirok etishdi.
Jizzax Politexnika institutida Toshkent , Farg‘ona , Xorazm va Samarqand viloyatlarining gandbol jamoalari o‘zaro bahs yuritishdi. Bir necha kun davom etgan mazkur musobaqaning erkaklar birinchiligida final bosqich g‘olibligini Toshkent viloyati jamoasi qo‘lga kiritdi. Ikkinchi o‘ringa Xorazmlik talabalar sazovor bo‘lishgan bo‘lsa uchinchi o‘rin Samarqandlik sportchilarga nasib etdi.Sport musobaqalari g‘oliblarsiz bo‘lmaydi. Universiada musobaqalarining gandbol sport turi final bosqichi g‘olibi Toshkent viloyati jamoasi o‘ziga bo‘lgan ishonch va yaxshi sport tayyorgarlikka ekanligini tom ma’noda namoyish etishdi.
Jizzax davlat pedagogika instituti axborot xizmati
