Kun tartibidagi mazkur masala muhokamasidan oldin Tarix fakulteti Tarix o‘qitish metodikasi kafedrasi mudiri dots. A.Amanlayev davra qatnashchilarini tadbirga yig‘ilgan mehmonlar bilan tanishtirdi. Shundan so‘ng kun tartibidagi masala bo‘yicha Jizzax viloyat jinoyat ishlar bo‘yicha sudining sudyasi Yu.Yu.Siddiqov davra qatnashchilariga Respublikamizda, viloyatimizda talaba yoshlarni tarbiyalash va ularga talim berish borasidagi majburiyatlarini bajarmaslik uchun tayinlanadigan jazolar bo‘yicha amalga oshirilayotgan ishlar xususida qisqa va mazmunli maruza qildi. Yu.Yu.Siddiqov maruza so‘ngida fakultetimiz talabalari tomonidan berilgan savollarga izchil javob berishga harakat qildi. Davra suhbatida maruzachi Yu.Yu.Siddiqov bu masaladan tashqari bugungi kunning bir qator dolzarb muammolariga ham tinglovchilarining etiborini o‘ziga jalb etdi. 
Jumladan u o‘z so‘zida:”…manaviy tahdidlar ichida jamiyat uchun eng xavflilaridan biri bu korrupsiya illatidir. Istiqlolimizning dastlabki kunlaridanoq O‘zbekiston qonunchiligida korrupsiyaga qarshi bir qator muhim qonun hujjatlari ishlab chiqildi. 1994-yilda O‘zbekiston Respublikasining Jinoyat kodeksi qabul qilindi va uning 205-210-214-moddalari korupsiyaga qarshi asosiy manbalardan bo‘lib kelmoqda. O‘zbekiston Respublikasining Birinchi Prezidenti I.A.Karimov tashabbusi bilan Ichki ishlar va Prokuratura organlari tizimida korrupsiyaga qarshi kurashish bo‘limlari tuzildi.
Shuningdek korrupsiyaga qarshi kurashda jahon hamjamiyati bilan hamkorlikda, birgalikda harakat qilish lozimligini inobatga olib 2008-yilning iyul oyida O‘zbekiston Respublikasi BMTning korrupsiyaga qarshi kurashish konvensiyasiga qo‘shildi. Eng afsuslanarlisi shundaki, bugungi kunda ham dunyo ahlining korrupsiyadan ko‘rayotgan zararining ko‘lami cheksiz. Bundan Respublikamiz ham mustasno emas”. Bundan tashqari, Yu.Yu.Siddiqov bugungi kunda sud-huquq tizimida Respublikamizda amalga oshirilayotgan islohotlar, bu borada Respublikamiz Prezidenti Sh.M.Mirziyoyevning olib borayotgan oqilona, izchil siyosatiga ham davra suhbatchilarining e’tiborini qaratdi.
Shundan so‘ng ma’ruzachi Yu.Yu.Siddiqov 1-kurs talabalarining bergan ko‘plab savollariga atroflicha javob berish bilan birga talabalarning huquqiy bilimlarini ham sinovdan o‘tkazdi. Davra suhbati bahs-munozaraga boy, qiziqarli tarzda olib borildi.
