Muqimiy nomidagi O‘zbekiston davlat musiqali  teatri aktyorlar jamoasi  Jizzax davlat pedagogika institutida bo‘lishdi.

Institut professor-o‘qituvchilari hamda talabalarninng  mazmunli dam olib, madaniy hordiq olishlari uchun tashkillashtirlgan ushbu ushrashuvda el tanigan  ustoz sa’natkorlar mehmon bo‘lishdi. Konsert dasturini institut Yoshlar bilan ishlash ma’naviy-ma’rifiy ishlar bo‘yicha birinchi prorektor S.Nazarqosimov ochib berdi. U o‘z so‘zida dramaturgiya, aktyorlik, musiqa, raqs, tasviriy san’atni o‘zida mujassam etgan teatr san’ati tomoshabinlarning xususan yoshlarning ma’naviy va estetik tarbiyasi yuksalishida muhim o‘rin egallashini, Bugungi kunda respublikamizda faoliyat yuritayotgan davlat tasarrufidagi 37 ta teatr  ichida Muqimiy nomidagi davlat musiqali teatri aktyorlari o‘ziga xos sehru jozibasi, go‘zallik va nafosatini namoyish etib, xalqimiz madaniyati, milliy qadriyatlarimiz, urf-odatlarimiz rivojiga munosib hissa qo‘shib kelayotganini alohida ta’kidladi.

Uchrashuv  mobaynida ustoz sa’nakorlar kasbga mehr, vatanga sadoqat, kasb egallashga bo‘lgan qiziqishlar borasida qiziqarli ma’lumotlarni yetkazishdi.

Tadbirda ishtirok etgan talabalar ham  mehmon sa’natkorlar bilan kelajak rejalarini o‘rtoqlashishdi. Bundan tashqari, tadbirda mexmonlar tomonidan yoshlar yo‘llagan savollarga javoblar berildi. Tadbir so‘ngida aktyorlar jamoasi  yig‘ilganlar e’tiboriga o‘zlarining badiiy chiqishlarini namoyish etishdi.

Muloqot ruhida kechgan tadbirga sa’natkorlar tomonidan ijro etilgan sho‘x taronalar, so‘z ustalari va aktyorlarining hazil-mutoyibaga boy chiqishlari yanada shukuh bag‘ishladi. Jizzax davlat pedagogika instituti  kasaba uyushmasi qo‘mitasi hamkorligida uyushtirilayotgan ushbu tadbir haqiqiy bayram kechasiga aylanib ketdi desak xato qilmagan bo‘lamiz.