Abdulla Qodiriy nomidagi Jizzax davlat pedagogika instituti Kengashining navbatdagi majlisi odatdagidek taqdirlash marosimi bilan boshlandi.

Dastlab institut rektori Sh.Sharipov  bir guruh professor-o‘qituvchilarga ilmiy unvon  va ilmiy darajalar bo‘yicha berilgan diplomlarni tantanali ravishda topshirdi. Shundan so‘ng O‘zbekiston Respublikasi Prezidenti, I.Karimov hamda A.Navoiy nomli Davlat stipendiyalariga sazovor bo‘lgan talabalar va ularning ilmiy rahbarlari ham faxriy yorliqlar bilan taqdirlanishdi. Taqdirlash marosimida shuningdek  Mustaqil Davlatlar Hamdo‘stligi (MDH) miqyosida tashkil etilgan “Eng yaxshi ilmiy tadqiqotchi” maqolalar tanlovida ishtiroki bo‘yicha esdalik nishoni bilan taqdirlangan  Guljaxon Jumanazarova hamda  Farangiz Tursunboevalarning yutuqlari  ham e’tirof etildi.