Jizzax davlat pedagogika instituti professor-o‘qituvchilari tomonidan biriktirilgan 7 ta maktabda 9 ta fandan oliy o‘quv yurtlariga tayyorlov kurslari bepul tashkil qilindi. Endi o‘quvchi olis Zomin, Baxmal, Mirzacho‘l, Zarbdor tumanlaridan viloyat markazlariga kelib ortiqcha mablag‘ sarflab tayyorlov kurslariga qatnashishi shart emas.
Loyiha doirasida 324 nafar o‘quvchi o‘z maktablarida hafta davomida tashkil etiladigan tayyorlov kurslarida chuqurlashtirilgan bilimlarni olishmoqda. Maqsad yagona xududlarda kadrlarga bo‘lgan ehtiyojni ichki imkoniyatdan kelib chiqgan holda shakllantirish. Kelajakga tikilgan sarmoya o‘z samarasini bermay qolmaydi.
Zarbdor tumani 29 umumta’lim maktabini joriy yilda 47 nafar o‘quvchi bitiradi. O‘tgan yillar mobaynida ushbu maktabni bitiruvchilaridan bor yo‘g‘i bir nafar o‘quvchi ham oliy o‘quv yurtlariga kirmagan. Ushbu maktabning bitiruvchi sinf o‘quvchilarini OTM lari kirish imtixonlariga tayyorlash, ularni kasbga yo‘naltirish, motivatsiya berish maqsadida Jizzax davlat pedagogika institutining Magistratura bo‘limi professor -o‘qituvchilari va magistrantlari biriktirilgan. Ma’lum ikki oydan beri professor-o‘qituvchi va magistrlar haftaning dam olish kunlari ushbu maktabda bitiruvchi o‘quvchilarga bepul tayyorlov kurslarida mashg‘ulotlar olib borishmoqda.
Ta’kidlash joiz shuncha imkoniyatlarga qaramay ayrim o‘quvchilar mashhlotlarga qatnashmaslik holatlari ham uchrab turibdi.Bunga sabab esa oiladagi vaziyat, nosog‘lom muhit desak xato qilmagan bo‘lamiz.Mana shu kabi xolatlarning oldini olish, ota-onalarni fikri bilish maqsadida maktab ma’muriyati hamda institut magistralar bo‘limi hamkorlikda jami 47 nafar bitiruvchi yoshlarning ota –onalari bilan uchrashuv tashkil etildi. Maqsad esa bitta farzandlar taqdiriga befarq bo‘lmaslik, ularni darslarga to‘liq kelishini ta’minlash va ortiqcha ishlarga jalb etmaslik.
“Men 11 sinf o‘quvchisi Rayxona Ahmedovaning onasiman… Mening farzandim intilayapti buning uchun Jizzax davlat pedagogika instituti jamoasiga, o‘qituvchilarga raxmat. Qizim yaqinda sinf rahbari va sinfdoshlari bilan Jizzax davlat pedagogika institutga bo‘lib qaytdi. Institut rahbariyati tomonidan tashkil etilgan “Ochiq muloqot” uchrashuvidan so‘ng qizimda OTM ga kirishga bo‘lgan intilish yanada kuchaydi, – deydi Dilorom Jo‘raeva
“Men Ahadbek Tangrievning buvisi bo‘laman, Nevaram Ahadbek OTM ga kirish uchun astoyidil tayyorgarlik ko‘rayapti. Istardimki bu yaxshi tashabbus to‘xtab qolmasin, bolalarimizninng umidi so‘nmasin. Kelajakda ham oliy dargoh bilan hamkorligimiz davom etsin”,-deydi Gulsara ona
“Men shu MFY yig‘ini raisi bo‘laman ayni damda mahalla fuqarolar yig‘iniga shu maktabni bundan bir ikki yil oldin bitirib ketgan yoshlar va ularning ota-onalari ham murojaat bilan kelishayapti. Biz ham mana shu tekin tayyorlov kurslariga qatnasak bo‘ladimi ? Buning uchun kimga murojaat qilishimiz kerak, agarda JDPI o‘qituvchilari farzandlarimizga bu borada ham imkoniyatlar yaratib berishsa nur ustiga a’lo nur bo‘ardi “,-deydi mahalla raisi Abdurasul Jonuzoqov
Uchrashuv davomida barcha ota-onalar o‘z fikrlarini bildirib, ular ham farzandlarining OTM larida o‘qishi tarfdori ekanliklarini va buning uchun nimaiki lozim bo‘lsa, xususan bolaning ilm olishi uchun barcha sharoitlarni qilib berishga va’da berishdi.
Tadbirda mahalla profilaktik inspektori ham ishtirok etdi. U o‘z so‘zida bu tashabbusni to‘liq qo‘llab quvvatlashini va buning uchun kerakli yordamini ayamasligini bildirib o‘tdi.
