Oliy va o‘rta maxsus ta’lim vazirligi hamda vazirlik huzuridagi Ma’naviyat va ma’rifat markazi bir qator tashkilotlar bilan hamkorlikda bakalavr ta’lim yo‘nalishi talabalari o‘rtasida «Yangi O‘zbekistonni o‘zimiz, o‘z qo‘llarimiz bilan bunyod etamiz!» shiori ostida respublika esselar tanlovini e’lon qilgan edi.
Jizzax davlat pedagogika instituti tanlovning hududiy bosqichiga bo‘lib o‘tdi. Tadbirni JDPI yoshlar masalalari va ma’naviy-ma’rifiy ishlar bo‘yicha birinchi prorektori S.Nazarqosimov kirish so‘zi bilan ochdi. U o‘z so‘zida ushbu esselar tanlovining hududiy bosqichiga yetib kelgan ijodkor yoshlarni tabriklab, ularga omad tiladi.
Tanlovda shuningdek Oliy va o’rta maxsus ta’lim vazirligi tomonidan biriktirilgan mas’ul O.Ummatov hamda Talim va fan xodimlari kasaba uyushmasi respublika kengashi raisi R. Bedilov so‘zga chiqib bugungi tanlov va yoshlarga yaratilayotgan imkoniyatlar xaqida to’xtalib o’tdi. Yoshlarni vatanparvarlik, fuqorolik tuyg‘usi, bag‘rikenglik, qonunlar, milliy va umuminsoniy qadriyatlarga hurmat ruhida, zararli oqimlarga qarshi tura oladigan, hayotga bo‘lgan qa’tiy ishonch va qarashlar, buyuk maqsadlarga ega shaxslar sifatida tarbiyalash, Uchinchi Renesans poydevorini qurishda yoshlarning faol ishtirokini ta’minlash va dahldorlik fazilatlarini qaror toptirish maqsadida tashkil etilgan tanlovning hududiy bosqichida Jizzax viloyatida joylashgan 4 ta JDPI, JPI, O’z.MU Jizzax filiali, Sambhram Universitetilaridan jami 12 nafar ijodkor talabalar ishtirok etdi.
Tanlov so‘ngida Ishchi guruh tomonidan tanlovda ishtirok etgan 12 nafar talabalarning ishlari ko‘rib chiqildi. Xulosalarga ko‘ra Jizzax davlat pedagogika instituti O‘zbek tili va adabiyoti fakulteti 2-bosqich talabasi Gavxar O‘ljaboy qizi faxrli birinchi o‘rinni qo‘lga kiritgan bo‘lsa, 2-o‘rin Uz.MU Jizzax filiali psixalogiya fakulteti 1-bosqich talabasi Erkaboyeva O’lmasoy Kubay qiziga nasib etdi. 3-o‘ringa esa Jizzax davlat pedagogika instituti Rus tili va adabiyoti fakulteti 3-bosqich talabasi Yelena Navro‘zova loyiq deb topildi.
Tanlovning taqdirlash marosimida g‘oliblar Diplom va qimmatbaho sovg‘alar bilan taqdirlandilar. Jizzax davlat pedagogika instituti jamoasi yuqori o‘rinlarni qo‘lga kiritgan talabalarimiz Gavxar O‘ljaboy qizi hamda Yelena Navro‘zovani chin dildan qutlaydi tanlovning respublika bosqichida ham mana shunday yuqori o‘rinlarga loyiq topilishida omad tilaydi.
