Mamlakatmizida amalga oshirilayotgan keng ko’lamli islohotlarda yoshlarning faol ishtirokini ta’minlash, talaba-yoshlarni ezgu maqsadlarga ilhomlantirish, ajdodlar merosini o’rganish, buyuk madaniyatimizga munosib buyuk adabiyot yaratish maqsadida talabalar o’rtasida “Yangi O’zbekiston yangi dunyoqarash” shiori ostida “Ma’rifat maydoni” respublika tanlovi o’tkazilmoqda.

Tanlovning birinchi bosqichi fakultet jamoalari o’rtasida o’tkaziladi va g’olib jamoa hududiy 2-bosqichda ishtirok etadi. Jizzax davlat pedagogika isntitutining O‘zbek tili va adabiyoti fakulteti talabalari  instiut bosqichida g‘oliblikni qo‘lga kiritib hududiy 2-bosqichga yo‘llanma olishgan edi. Joriy yilning 27 may kuni sakkiz nafar talabadan  iborat jamoa Guliston davlat Universitetidagi hududiy bosqichda 5 ta OTM lari bilan kuch sinashdi.

“Adib hayoti”, “Tezkor savol-javob”, “Adiblar hayoti va ijodidan teatrlashtirilgan kompozitsiya” shartlari asosida bo‘lib o‘tgan tanlovda institut jamoasi faxrli birinchi o‘rinni egallab respublika bosqichiga yo‘llanmani qo‘lga kiritdi.