Tadbir professor-o‘qituvchilar va xodimlar o‘rtasida tashkil etilgan musobaqalarda muvaffaqiyat qozongan jamoalarni e’tirof etish bilan boshlandi.

Shuningdek, marosim davomida “Yangi O‘zbekiston talabalari olimpiadasi”ning fakultetlararo bosqichida g‘oliblikni qo‘lga kiritgan jamoalar hamda Talabalar ligasi sport musobaqalarining hududiy bosqichida yuqori natijalarga erishgan jamoalar ham munosib taqdirlandi.

Ta’kidlash joizki, bugungi kunda universitetda sportni rivojlantirish va talabalarni jismoniy faollikka keng jalb etish borasida tizimli ishlar olib borilmoqda.

Erishilayotgan natijalar buning yaqqol isbotidir. Xususan, Talabalar ligasi doirasida o‘tkazilgan 12 ta sport turining 10 tasi bo‘yicha universitet jamoalari 1-o‘rinlarni qo‘lga kiritgani oliygohda sport infratuzilmasi va moddiy-texnik bazaning mustahkam shakllanganidan dalolat beradi.