Joriy yilning 25 aprel kuni institutimizga Toshkentdagi Fransiya respublikasi elchixonasi Oliy Ta’lim masalalari bo’yicha attashe Sofi Jindt xonim tashrif buyurdi. Mexmonni institut rektori prof. A. Xolbekov, institut ilmiy ishlar prorektori dos. M. Sultonov hamda Fakul’tetlararo chet tillar kafedrasi mudiri Sh. Djabborovlar kutib olishdi.
Tashrif chog’ida Fransiya OTMlari bilan o’zaro hamkorlik aloqalarni yo’lga qo’yish va mustahkamlash borasida institut rahbariyati bilan kelishib olindi. Tashrif davomida Sofi Jindt xonim Fakul’tetlararo chet tillar kafedrasi tomonidan tashkil etilgan “Chet til o’qitishda innovasion texnologiyalardan foydalanishning axamiyati va roli” mavzusida bo’lib o’tgan ilmiy amaliy seminarda “Shaxs tarbiyasida chet tilining ahamiyati” mavzusida ma’ruza qildi.
Ilmiy amaliy seminardan so’ng Sofi Jindt xonim Fakul’tetlararo chet tillar kafedrasi mudiri Sh. Djabborov hamda shu kafedra katta o’qituvchisi T. Kavilova hamrohligida Sh. Rashidov, X.Olimjon va Zulfiyaxonim muzeyi va hiyobonini tomosha qilishdi.
