2021yil 5 Fevral kuni Jizzax davlat pedagogika instituti hamda Turkiyaning Suleyman Demirel universiteti o‘rtasida hamkorlik aloqalarini o‘rnatish, ikkala OTM lar o‘rtasida o‘zarotajriba almashish, istiqbolli hamkorlikni rivojlantirish masalalariga bag‘ishlangan Memorandum imzolash marosimi bo‘lib o‘tdi. Hamkorlik marosimi ZOOM platformasi orqali onlayn tarzda bo‘lib o‘tdi.

Memorandum imzolash marosimi Jizzax davlat pedagoigka instituti rektori Sh.S. Sharipov va Suleyman Demirel universiteti Xalaro hamkorlik aloqalari prorektori Betul Sirin, Suleyman Demirel universiteti Erasmus loyihalari koordinatori Ipek Gumushchanlarining tanishuv muloqotlari bilan boshlandi. Unda tomonlar o‘z oliygohlari haqida ma’lumot berish bilan birgalikda ushbu memorandumning imzolanishi har ikkala tomon uchun, xususan talabalar  uchun zarur ekanligini ta’kidlab o‘tishdi.

Memorandumda ikki davlat oliy ta’lim muassasalari o‘rtasida to‘g‘ridan-to‘g‘ri aloqalarni o‘rnatish va rivojlantirish, talabalar va o‘qituvchilar almashinuvi, qo‘shma tadqiqot ishlarini targ‘ib qilish, keyingi o‘quv yilida Jizzax davlat pedagogika institutida tibbiyot fakulteti ochilishi munosabati bilan ulardagi tibbiyot fakultetlari bilan hamkorlikni yo‘lga qo‘yish, kabi yo‘nalishlar ikki tomonlama hamkorlikning asosiy yo‘nalishlari etib belgilandi. Shuningdek ushbu memorandum orqali JDPI professor-o‘qituvchilarning Suleyman Demirel universitetida malaka oshirish kurslariga jo‘natish, kredit-modul tizimida o‘quv rejalarini, o‘quv dasturlarini muhokama qilish, konferensiya va seminarlarda ishtirok etish kabi takliflar bandma band ko‘rib chiqildi va har ikki OTM vakillari tomonidan ma’qullanib Memorandum imzolandi.