Musulmon olamidagi eng katta bayramlardan biri Qurbon hayiti ayyomi arafasida Jizzax davlat pedagogika universitetida xayrli ishga qo‘l urildi. Ayyom arafasida jamoadagi kam ta’minlangan va ehtiyojmand ishchi xodimlarga, oziq-ovqat mahsulotlari tarqatildi.
Yaxshilik, saxovat va mehr-oqibat, rahm kabi ulug‘ fazilatlar insonning ziynati hisoblanadi. Ezgulik yo‘lida sa’y-harakat qilganlarning, umriga, rizqiga baraka kiradi deydi dono xalkimiz. Saxovatpeshalik insonga qalb xotirjamligini olib keladi.
– Bugun jamoda hech kimni e’tibordan chetda qoldirmaslikka haarkat qilmoqdamiz–deydi universitet kasaba uyushmasi qo‘mitasi raisi D.Ochilov. – ulug‘ ayyom arafasida jamoada faoliyat yuritayotgan 168 nafar kam ta’minlagan, ijtimoiy himoyaga muhtoj , ehtiyojmand xodimlarga un mahsulotlarini tarqatdik . Bunday xayrli ishlarni to‘xtmaymiz. Davomli tarzda ishchi xodimlarimizni ko‘nglini olish ularga ozgina bo‘lsa-da ko‘mak berishga harakat qilamiz.
Bayram munosabati bilan tashkil etilgan bunday xayrli tadbirlarning asosiy maqsadi har qanday holatda ham ishchi xodimlarni qo‘llab-quvvatlash, ularning hayotga, yashashga bo‘lgan umidini so‘ndirmaslikdir.