D I Q Q A T    E’ L O N

Ixtisoslik  kafedralar  diqqatiga O’zbekiston Respublikasi Prezidentining 2022 yil 21 iyundagi PQ-289-sonli qarorining 2,e-bandi hamda Jizzax davlat pedagogika universiteti rektorining 2022 yil 5 sentyabrdagi 332-U-sonli buyrug’ining ijrosini ta’minlash maqsadida universitetning ixtisoslik kafedralari professor-o’qituvchilarini xorijning nufuzli oliy ta’lim muassasalarida 2023 kalendar yilida malaka oshirish va stajirovka o’tashlari uchun TANLOV  E’LON  QILADI 2023 yil 1 yanvardan boshlab har kalendar yili universitet ixtisoslik kafedralarining kamida 5 % professor-o’qituvchilarini universitetning byudjetdan tashqari jamg’armalari hisobidan nufuzli xorijiy oliy ta’lim muassasalar va ilmiy tashkilotlarga, tanlov asosida, malaka oshirish va stajirovka o’tashga davriy ravishda yuborishni boshlaydi. Nomzodlarga qo’yiladigan talablar: arizalar 55 yoshgacha bo’lgan ixtisoslik kafedralari professor-o’qituvchilaridan qabul qilinadi; malaka oshirish va stajirovka o’tashga mutaxassislik fani va xorijiy tillarni o’zining ish faoliyatini amalga oshirishda zarur bo’lgan darajada biladigan nomzodlar yuboriladi; nomzodlarning arizalari va hujjatlari universitet tomonidan tashkil etilgan ishchi guruhi tomonidan tanlov asosida saralab olinadi; malaka oshirish va stajirovkalar 15 kalendar kundan kam bo’lmagan va ikki oygacha bo’lgan davrda amalga oshiriladi; nomzodlardan arizalar uch yil davomida ketma-ket ikki marotaba qabul qilinishiga yo’l qo’yilmaydi.   Nomzodlardan talab qilinadigan hujjatlar: universitet rektori nomiga ariza; nomzodning ob’ektivka-ma’lumotnomasi; kafedra mudiri tomonidan tasdiqlangan malaka oshirish va stajirovka o’tash rejasi; qabul qiluvchi tomonidan kelgan taklifnoma yoki rozilik xati; til bilish darajasini belgilovchi hujjat (mavjud bo’lsa); fakul’tet Kengashi qaroridan ko’chirma. Hujjatlar e’lon chiqqan kundan boshlab bir oy ichida qabul qilinadi. 130100, Jizzax shahri, Sh.Rashidov shox ko’chasi, 4-uy, JDPU bosh binosi, 2-qavat, 217-xona, Xalqaro hamkorlik bo’limi +99872-226-72-39; +99891-209-07-66 sharofr58@gmail.com       www.jdpu.uz     Jizzax shahri, 04 noyabr 2022 yil