Fizika – astronomiya o’qitish metodikasi yo’nalishi talabalari o’rtasida 9-may Xotira va qadrlash kuni munosabati bilan joriy yilning 8- may kuni o’tkazilgan mini futbol musobaqasi
Fizika –matematika fakultetida ishlab faoliyat olib borgan, ammo hozir oramizda yo’q, marhum ustozlarimiz M.O’rolov, Isoqobilov, E.Ergashev, O.Bo’riboyev, E.Hamzayev, O’.Abdullayev, N.Alimov, B.Toshmurodov, I.Suyunov va fizika va astronomiya o’qitish metodikasi yo’nalishi talabalarimiz Absamatov Lochinbek hamda Ochilov Sanjarlarni hotirasini yod etib, sportning mini futbol yo’nalishi bo’yicha xotira turneri o’tkazildi.
NURAFSHON CHЕHRANGIZ XOTIRAMIZDA (Mahrum domlalar xotirasiga) Barhayot yashaysiz qalbimizda siz, Ey ustoz ruhingiz doim bo’lsin shod. Qisqa umringizdan qoldirdingiz iz Sizning nomingizni aylagaymiz yod. Og’ir judolikdan boshimiz xamdir, Panoh qanotimiz qoldi qayrilib. Ko’nglimiz to’rida bir inson kamdir, Eng aziz ustozdan qoldik ayrilib. Dilingiz pok edi, bolam dеrdingiz, Afsus kuningizga yaray olmadik. Bo’g’zimizda qoldi nolamiz hargiz. Bеtobligingizda qaray olmadik. Ko’z o’ngimizdadir yodingiz ustoz, Siz mangu yashaysiz yodimizda. Og’ir tushdi boshga ayriliq bеxos, Nurafshon chеhrangiz xotiramizda.Fizika – astronomiya o’qitish metodikasi yo’nalishi talabalri o’rtasida 9-may Xotira va qadrlash kuni munosabati o’tkazilgan futbol musobaqasida barcha guruhlar faol ishtirok etdi. Hatto talabalar she’rlar ham yozishdi. Hozir 310-guruh talabasi Ortiqboyev Temur tomonidan yozilgan she’rni havola qilamiz.
Men futbol ishqibozi, men futbol jinnisiman REAL futbolchilari og’asi inisiman. Ular yutsa quvonib, mag’lub bo’lsayig’layman Barcha muxlislar kabi yurak bag’rim tig’layman. REAL- bu buyuk klub, sovrinlari cheki yo’q Jahondadir u tengsiz, bunga hech shak- shubha yo’q. Futbolchilari yulduz, ularda g’olib ruh bor Shu boisqarshi chiqma, urinishlaring bekor. REAL xuddi bir kamon, futbolchilar misli o’q Kamondan o’q uzilsa nishondan asar ham yo’q. RONALDU eng uchqur o’q, BENZEMA ham qolishmas BEYL, HAMES, MODRICH lar gol urishdan tolishmas RAMOS, MARSELO, PEPE qulamas metin devor KROOS, KARVAHAL, VARAN xullas baring yashavor. NAVAS-chi titan jangi seyvlarning afsungari U darvoza qo’risa xavf-xatar ketar nari. Xullas, mukammal tarkib REAL da tortishgan saf, Bu tarkibni yengishning iloji yo’q, chiqmas naf. Yana takror aytaman, men futbol jinnisiman, REAL futbolchilari og’asi inisiman… Musobaqada 14 ta jamoa qatnashdi. Fizika-astronomiya o’qitish metodikasi yo’nalishidan, 12 guruh, o’qituvchilardan tarkib topgan va Absamatov Lochinning sinfdoshlaridan tarkib topgan jamoalar bellashdi. Barcha guruh sardorlari haltadan raqamlangan sharlarni olib, raqib jamoalarini aniqlab oldilar va jadvalga solindi. Musobaqa 15 minutdan 2 taym 30 minut davom etadi. O’yin olimpiskiy bo’lib, yutqazgan guruh o’yindan chiqib ketadi. Yutgan guruh o’yinni davom ettiradi. Finalga 412 guruh va 215 guruh jamoalari yetib kelishdi. Final juda qiziqarli o’tdi. Fizika –astronomiya o’qitish metodikasi yo’nalishi talabalari o’rtasida 9-may Xotira va qadrlash kuni munosabati bilan joriy yilning 8- may kuni o’tkazilgan futbol musobaqasida Faxrli 3-o’rinni 314-guruh talabalari Faxrli 2-o’rinni 215-guruh talabalari Faxrli 1-o’rinni 412-guruh talabalari egalladilar. G’oliblar faxriy yorliqlar va estalik sovg’alari bilan taqdirlandilar. Fizika-matematika murabbiylar kengashi raisi: G.Xudoyberdiyev Matematika o’qitish meto’dikasi yo’nalishi 112-17-guruh talabasi A. Usmonov
