XALQARO HAMKORLIK ALOQALARI DAVOM ETADI

Jizzax davlat pedagogika instituti bilan Buyuk Britaniyaning Portsmud universiteti o`rtasida tuzilgan Memorandum doirasida navbatdagi hamkorlik uchrashuvi bo`lib o`tdi. Ushbu uchrashuv ZOOM  platformasi orqali onlayn bo`lib o`tdi. Uchrashuv dastlab Portsmud universiteti Xalqaro aloqalar koordinatori Joe Hall va Chet tillar fakulteti dotsenti v.b. Jabborova Anoralarning magistratura yo`nalishi bo`yicha qo`shma dasturni, malaka oshirish kurslarini va Portsmud universiteti professor o`qituvchilarini JDPI  talabalari uchun darslarga jalb etish masalalarini muhokama qilishdan boshlandi. Shundan so`ng, Portsmud universitetining “Faculty of Humanities and Social Sciences” – Ijtimoiy gumanitar fanlar fakulteti hamda  “Faculty of Linguistic and Education” – Lingvistika va ta`lim fakultetining professorlari Dr. Charlotte Boyce , Dr. Charles Leddy Owen va Dr.  Glenn Hadikinlar Chet tillar fakulteti talabalari va professor-o`qituvchilari uchun turli mavzularda ma`ruzalar qilishdi. Ma`ruzalar so`ngida o`qituvchilar va talabalar o`zlarini qiziqtirgan savollarga javob olishdi.