Navbatdagi uchrashuv Filologiya fanlari pedagogika oliy maktabining 1-bosqich talabalari ishtirokida bo‘lib o‘tdi.
Uchrashuv davomida Iqtidorli talabalarning ilmiy-tadqiqot faoliyatini tashkil etish bo‘limi mutaxassisi Olimjonov Hasan tomonidan talabalarga universitetda yaratilgan shart-sharoitlar va imkoniyatlar haqida batafsil ma’lumot berildi.
Xususan, startap loyihalarni ishlab chiqish va rivojlantirish, O‘zbekiston Respublikasi Prezidenti va nomli davlat stipendiyalarida ishtirok etish, ilmiy va innovatsion loyihalarda qatnashish, turli tanlov va olimpiadalarda o‘z salohiyatini namoyon etish imkoniyatlari haqida tushuntirishlar berildi.
Shuningdek, universitetda faoliyat olib borayotgan O‘zbekiston yoshlar ittifoqi boshlang‘ich tashkiloti, uning talaba-yoshlarni qo‘llab-quvvatlashga qaratilgan faoliyati, universitet miqyosida tashkil etiladigan tanlovlar, loyihalar va boshqa tashabbuslar haqida ham ma’lumot berildi.
Uchrashuv yakunida talabalarni qiziqtirgan savollarga javob berilib, ularning universitet hayotida faol ishtirok etishi, ilmiy izlanishlar olib borishi, startap va turli tanlovlarda qatnashishi bo‘yicha tegishli tavsiyalar berildi.
