Jizzax davlat pedagogika universiteti rektori, professor Maksudjan Yuldashev Jizzax shahrining Zargarlik mahallasidan biriktirilgan band bo‘lmagan yoshlar bilan ochiq muloqot o‘tkazdi.

Muloqot davomida yoshlar tomonidan ta’lim, bandlik, tadbirkorlik va moliyaviy imkoniyatlar bilan bog‘liq masalalar yuzasidan murojaat va takliflar bildirildi. Jami 10 ta murojaat qabul qilinib, ularning 8 tasi ijobiy hal etildi.

Oliy ta’limni tamomlagan yoshlarni ishga joylashtirish bilan bog‘liq 2 ta murojaat alohida nazoratga olinib, ularni hal etish bo‘yicha tegishli vazifalar belgilandi.

Uchrashuv davomida yoshlarning tashabbuslarini qo‘llab-quvvatlash, murojaatlarini o‘rganish va muammolarini hal etish bo‘yicha amaliy ishlarni davom ettirish belgilandi.