2017 yil 17 oktyabr kuni Jizzax DPI Pedagogika fakultetida Sharof Rashidovning 100 yilligiga bag‘ishlangan fakultet professor o‘qituvchilari va talabalar bilan hamkorlikda “Xotira mangudir qadr muqaddas” mavzusida tadbir o‘tkazildi. Tadbirda institut ma’naviy-ma’rifiy ishlar prorektori dots.F.Axmedov ishtirok etib o‘z kirish so‘zi bilan ochib berdi. F.Axmedov o‘z ma’ruzasida Sharof Rashidov o‘zbek xalqi tarixi va madaniyatida o‘ziga xos o‘ringa egaligi va uning ijodini barcha yoshlar o‘rganishi lozimligini aytib o‘tdi.
Fakultet dekani p.f.n..N.Kushvaktov ushbu tadbirning ahamiyati va yosh avlodga yetkazish masalasida ma’ruza qildi.
Ma’ruzachi T.Ikromov Sharof Rashidov bilan bo‘lgan uchrashuvni so‘zlab berib, talabalarni xayratda qoldirdi. Shundan so‘ng talabalar tomonidan Sharof Rashidov ijodidan lavhalar, she’rlar va badiiy chiqish namoyish etildi.
Sharof Rashidov muzeyidan olib kelingan eksponatlar hammaga birdek manzur bo‘ldi.
Talabalar Sharof Rashidovning 100 yillik yubliyega atab yod olgan sherlarini aytib berdilar. Tadbirda Jizzax shaxar Yoshlar ittifoqi faollari ham ishtirok etdilar. Ular tomonidan tadbir ishtirokchilari tashakkurnoma bilan taqdirlandilar.
