Jizzax davlat pedagogika universitetida yangi yil bayramiga bag‘ishlangan Qorbobo va Qorqizlar paradi bo‘lib o‘tdi.
Bayramona muhit universitet hayotiga o‘ziga xos shukuh bag‘ishlab, talaba-yoshlar hamda mehmonlarga yangicha kayfiyat ulashdi.
Tadbir doirasida bir guruh Qorbobo va Qorqizlar universitetning Yoshlar shaharchasidan boshlab tantanali ravishda parad qilib o‘tdilar. Bayramona qiyofadagi qahramonlar musiqa sadolari va ijodiy chiqishlar bilan parad ishtirokchilariga yuqori kayfiyat ulashdilar.
Mazkur bayram tadbiri universitet jamoasining birdamligi, ijodiy faolligi va yangi yil arafasidagi iliq kayfiyatini yanada kuchaytirdi.Ayni damda universitet hududi bayramona bezatilib, yangi yilga xos quvonch va iliq muhit hukm surmoqda.
