Jizzax davlat pedagogika institutida “Support Science” MCHJ Imiy-tadqiqot markazi bilan hamkorlikda “Xalqaro talablarga mos ilmiy maqolalar yozish va chop qilishga oid eng muhim masalalar” mavzusida ilmiy seminar-trening bo`lib o`tdi. Ushbu seminar treningda kafedra mudirlari, doktorantlar, yosh tadqiqotchi olimlar ishtirok etishdi.
Seminar-treningni Ilmiy ishlar va innovatsiyalar bo`yicha prorektor G`.Qodirov kirish so`zi bilan ochib berdi. Shundan so`ng “Support Science” MCHJ Imiy-tadqiqot markazi ilmiy konsultantlari Nodir Karimov va Ozdobek Ne`matovlar “Xalqaro talablarga mos ilmiy maqolalar yozish va chop qilishga oid eng muhim masalalar” mavzusida ma`ruza taqdimotlari o`tkazishdi. Seminar-trening davomida bepul va ochiq ma’lumotlar bazalaridagi ma’lumotlar asosida xalqaro talablarga mos ilmiy maqolalar yozish, nufuzli bazalarda indekslanadigan ishonchli jurnallar topish, tekshirish va chop qilish, Scopus, Web of Science, Google Scholar kabi xalqaro bazalari farqi va afzalliklari to`grisida ma`lumot berib o`tildi. Ma`ruza so`ngida savol-javob tarzida muhokama bo`lib o`tdi.