Jizzax davlat pedagogika universitetida Toshkentdagi Vebster universiteti rektori Dr. Jean Paul van Marissing boshchiligidagi delegatsiya bilan uchrashuv bo‘lib o‘tdi.
Muloqot davomida ikki oliy ta’lim muassasasi o‘rtasidagi hamkorlikni kengaytirish, qo‘shma ta’lim dasturlarini rivojlantirish hamda akademik aloqalarni mustahkamlash masalalari muhokama qilindi
Bugungi kunda tomonlar o‘rtasida MA TESOL magistratura yo‘nalishi bo‘yicha samarali hamkorlik yo‘lga qo‘yilgan. Uchrashuvda ushbu tajribani yangi yo‘nalishlar bilan boyitish va qo‘shma loyihalarni amalga oshirish istiqbollari ko‘rib chiqildi.
Shuningdek, mehmonlar universitetning ta’lim, ilmiy va innovatsion faoliyati bilan yaqindan tanishdilar. Tomonlar hamkorlikni yangi bosqichga olib chiqish va o‘zaro muloqotni izchil davom ettirishga kelishib oldilar.
