Jizzax davlat pedagogika universitetida Zulfiya nomidagi Davlat mukofotiga nomzod bo‘lish istagidagi talaba qizlar uchun uchrashuv tashkil etildi.

Unda 50 nafarga yaqin talaba qiz ishtirok etdi. Uchrashuvni Zulfiya nomidagi Davlat mukofoti sovrindori, Iqtidorli talabalar ilmiy faoliyati bo‘limi boshlig‘i Mehribon Abdurazzoqova olib bordi.

Suhbat davomida mukofotga nomzod ko‘rsatish tartibi, tanlov talablari hamda zarur hujjatlarni tayyorlash va topshirish masalalari tushuntirildi. Talabalar o‘zlarini qiziqtirgan savollarga batafsil javob oldilar.

Uchrashuv yakunida talaba qizlarga tanlovga puxta tayyorgarlik ko‘rish va o‘z iqtidor hamda salohiyatlarini munosib namoyon etishda omad tilandi.