Jizzax davlat pedagogika universitetining 22 nafar professor-öqituvçisidan iborat ikkinçi guruhi Malayziyaning Utara universitetida ikki haftalik stajirovka ötamoqda.

Stajirovka davomida iştirokçilar ma’ruza maşğulotlari, seminarlar, amaliy darslar va laboratoriyalar faoliyati bilan tanişib, ta’lim jarayonini taşkil etiş, zamonaviy öqitiş metodikasi, talabalar faolligini oşiriş hamda amaliy könikmalarni şakllantiriş böyiça ilğor tajribalarni örganmoqda.

Şuningdek, raqamli ta’lim, innovatsion pedagogik yondaşuvlar, ta’lim sifati va boşqaruv samaradorligiga bağişlangan interaktiv maşğulotlar ötkazilmoqda. Jamoaviy topşiriqlar va muhokamalar iştirokçilarning tanqidiy fikrlaş, muammolarga yeçim topiş hamda raqamli vositalardan samarali foydalaniş könikmalarini rivojlantirişga xizmat qilmoqda.

Stajirovka doirasida Özbekistonning Malayziyadagi Favqulodda va Muxtor Elçisi Karomiddin Gadoyev bilan ham davra suhbati ötkazildi. Unda pedagogik ta’limni modernizatsiya qiliş, professor-öqituvçilar malakasini oşiriş va ikki mamlakat oliy ta’lim muassasalari örtasidagi ilmiy-amaliy hamkorlikni kengaytiriş masalalari muhokama qilindi.

Stajirovka davomida özlaştirilayotgan ilğor tajribalarni JDPUning öquv va boşqaruv jarayonlariga tatbiq etiş, ta’lim sifatini oşiriş hamda xalqaro hamkorlikni yanada rivojlantirişga alohida e’tibor qaratilmoqda.