Jizzax davlat pedagogika isntitutida bo‘lib o‘tgan bayram tadbiri “Vatanparvarlik oyligi”ga hamohang tarzda tashkil etildi.
Mamlakatimiz Qurolli Kuchlari tashkil etilganining 30 yilligi hamda 14 yanvar – Vatan himoyachilari kuniga bag‘ishlab Jizzax davlat pedagogika institutida ham madaniy –ma’rifiy tadbirlar, sport musobaqalari o‘tkazildi.
Shuningdek sana munosabati bilan institutda mehnat qilayotgan Afg‘on urushi, Chernobil halokati hamda zaxirdagi ofitserlarni taqdirlash marosimi tashkil etildi. Tantanali tadbirini institut rektori ochib berdi u o‘z so‘zida Yurt tinchligi, osmonimiz musaffoligi, davlatimiz chegaralarining daxlsizligini ta’minlovchi qudratli kuch – Vatan himoyachilari kuni bayramining alohida qadr-qimmati, ahamiyati, o‘rni borligini. “Vatan himoyachilari kuni” bayrami nafaqat harbiylarning, balki har bir yigitning, har bir bo‘lajak Vatan himoyachisining va ularni dunyoga keltirgan onalari, doimo duogo‘y bo‘lgan ota-bobolarining ham haqiqiy milliy bayrami ekanligini alohida ta’kidladi .
“Albatta, Vatanning har qarich yeri biz uchun aziz. Ana shu yurt, uning buguni va kelajagi uchun jon fido etgan buyuk ajdodlarimiz, ularning ezgu ishi hech qachon unutilmaydi.Ularning davomchilari bo‘lmish Vatan himoyachilari haqli ravishda yurtning faxri va iftixori sanaladi. Sizning o‘z xizmat vazifangizni bekamu-ko‘st bajarishda barcha sharoitlarni muhayyo qilib, farzand tarbiyasidan boshlab oiladagi barcha tashvishlarni o‘z zimmalariga olib, sharaf bilan bajarib kelayotgan turmush o‘rtoqlaringizga alohida minnatdorchilik bildiramiz. Barchangizga ana shunday tinch-farovon zaminni uzoq yillar qo‘riqlash nasib qilsin. Bayramingiz muborak bo‘lsin azizlar! ”, -deydi institut rektori Sh.Sharipov
Shundan so‘ng bir Afg‘on urushi, Chernobil halokati qatnashchilari hamda bir guruh zaxiradagi ofitserlarga faxriy yorliqlar va esdalik sovg‘alari topshirildi. Tadbir so‘ngida so‘z olgan profesor-o‘qituvchilar bu bayram aslida Vatan fidoyilari, Vatanni asraguvchilar, yuksaltirguvchilar va uni jon-u dildan sevguvchilar bayrami ekanligini ta’kidlashdi.
Jizzax davlat pedagogika instituti axborot xizmati
