Mamlakatimiz oliy o‘quv yurtlari talabalari o‘rtasida o‘tkazilib kelinayotgan Universiada sport o‘yinlari yoshlar orasida jismoniy tarbiya va sportni ommalashtirish, talabalarning sport turlariga bo‘lgan qiziqishi ortishiga, qolaversa, iste’dodli talaba-yoshlar saralanib, ularning katta sport sari dadil qadam tashlashida muhim vosita bo‘lib xizmat qilmoqda.

Universiada sport o‘yinlari dasturidan joy olgan belbog‘li kurash musobaqalari Jizzax viloyat yakka kurash sport turlariga ixtisoslashtirilgan sport maktabida o‘tkazilmoqda.

Musobaqada jami 12 ta viloyatdan 100 ga yaqin kurashchilar g‘oliblik uchun kurashmoqda. Bellashuvlar yakuniga yetgach, g‘olib va sovrindorlarni taqdirlash marosimi bo‘lib o‘tadi. Bu haqida rasmiy sahifalarimizda ma’lumotlar berib boramiz.