Jizzax davlat pedagogika universiteti Filologiya fakulteti hamda “O‘zbek tilini o‘qitish metodikasi” kafedrasi tashabbusi bilan “Tilshunoslik va til o‘qitish metodikasining dolzarb masalalari: muammo va yechimlar” mavzusida xalqaro ilmiy-amaliy konferensiyaning yalpi majlisi boshlandi va davom etmoqda.
Oflayn va onlayn formatda tashkil etilgan anjumanda tilshunoslik, til tarixi, qiyosiy tadqiqotlar, tarjimashunoslik, shuningdek til va adabiyot o‘qitishning ilmiy-metodologik asoslari kabi muhim yo‘nalishlar qamrab olinmoqda.
Konferensiya jarayonida mahalliy va xorijiy olimlar, professor-o‘qituvchilar hamda tadqiqotchilar o‘z ilmiy qarashlari va amaliy tajribalari bilan o‘rtoqlashib, sohadagi dolzarb muammolar yuzasidan fikr almashmoqdalar.
Anjuman yakuniga ko‘ra tilshunoslik va ta’lim metodikasi sohasini yanada rivojlantirishga qaratilgan taklif va tavsiyalar ishlab chiqilishi rejalashtirilgan.
