“Ta’lim va amaliyot integratsiyasi” mavzusida  davra suhbati tashkil etildi.

Kuni kecha Jizzax davlat pedagogika universitetida Pedagogika va psixologiya fakulteti Maktab menejmenti kafedrasi tashabbusi bilan “Ta’lim va amaliyot integratsiyasi” mavzusida ochiq davra suhbati tashkil etildi. Jizzax viloyati Xalq ta’limi boshqarmasi boshlig’i Dilfuza Sadriddinova ishtirokidagi tadbirda maktab menejmenti bakalavriat yo‘nalishi talabalari hamda ta’lim muassasalari boshqaruvi magistrantlari o‘zlarini qiziqtirgan savollar bilan murojaat qilishdi. Bunda, rahbarlarga qo‘yiladigan zamonaviy talablar, uzluksiz ta’lim tizimini tashkil etishda talabalarning amaliyot o‘tash holati, ta’lim sifatini oshirishda hududlarda kadrlarga bo‘lgan ehtiyojlarni bartaraf etish choralari, yoshlarda amaliy ko‘nikmalarni shakllantirish zaruriyati haqida ma’lumotlar berildi. Yakunda menejerlik qobiliyatiga ega bo‘lgan kadrlar zahirasini shakllantirish, kadrlarni tayyorlashda xalq ta’limi boshqarmasi bilan hamkorlikni izchil davom ettirishga kelishib olindi.