“Talabalikka bag‘ishlov” — Tibbiyot fakultetida xotiralarga boy tantana. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Talabalikka bag‘ishlov” — Tibbiyot fakultetida xotiralarga boy tantana.

Yangiliklar

22/10/2025

Chop etish

“Talabalikka bag‘ishlov” — Tibbiyot fakultetida xotiralarga boy tantana.

Jizzax davlat pedagogika universiteti Tibbiyot fakultetida an’anaviy “Talabalikka bag‘ishlov” tadbiri katta tantana va ko‘tarinki ruhda o‘tkazildi.Tadbirda universitet rahbariyati, fakultet dekani va uning o‘rinbosarlari, kafedra mudirlari, professor-o‘qituvchilar, ota-onalar hamda yangi qabul qilingan talabalar ishtirok etdi.

Tantanani fakultet dekani G.S.Arifxo‘jayev ochib berdi. U o‘z so‘zida bugungi tadbirning ahamiyatini ta’kidlar ekan, ota-onalar kengashi yig‘ilishining asosiy maqsadi — talabalarning ta’lim-tarbiya jarayonida oilaning o‘rnini mustahkamlash, oliygoh bilan ota-onalar o‘rtasidagi hamkorlikni yanada kuchaytirish ekanligini ta’kidladi. Shuningdek, u mavjud muammolarni birgalikda hal etish va takliflar asosida samarali yechimlar ishlab chiqish muhimligini qayd etdi.

Yig‘ilishda ota-onalar kengashining vazifalari, talabalarning universitet ichki tartib-qoidalariga rioya etishi, ijtimoiy faolligi, grantlarni taqdim etish va qayta taqsimlash tartibi haqida ma’lumotlar berildi. Shu bilan birga, korrupsiyaga qarshi ta’lim, yoshlar imkoniyatlarini kengaytirish, jinoyatchilik va huquqbuzarliklarning oldini olish kabi dolzarb masalalar atroflicha muhokama etildi.

Tadbirning badiiy qismida Tibbiyot fakulteti talabalari tomonidan tayyorlangan qiziqarli konsert dasturi ishtirokchilarda yuqori kayfiyat uyg‘otdi. Ijodkor talabalarning chiqishlari ota-onalar va mehmonlarda katta taassurot qoldirdi.

Tadbir so‘ngida faol talabalarning ota-onalari fakultet rahbariyati tomonidan tashakkurnoma va esdalik sovg‘alar bilan taqdirlandi. Bu tadbir Tibbiyot fakultetidagi ahillik, birdamlik va yoshlar ta’limining yuksak darajada tashkil etilganidan dalolat berdi.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.